ILOILO CITY–Ginpasakaan sang kaso sang Metro Iloilo Water District (MIWD)  si Iloilo City Mayor Jose Espinosa III kag walo ka miyembro sang Sangguniang Panlungsod angot sa paghatag sang prangkisa sa Prime Water Infrastructure Corporation.
Sa interview sang Bombo Radyo kay Mayor Espinosa, iya ginpahayag nga handa siya nga atubangon ang kaso.
Dugang pa sang alkalde nga  natak-an na siya sa wala untat nga pagpasaka sang kaso sa iya sang MIWD.
Kun maayo lang kuntani ang serbisyo nga ginahatag sang nasambit nga water company, wala sang may mangisog nga kompaniya nga mag-apply sang prangkisa sa syudad.
Nahibaluan nga lakip sa mga konsehal nga nagpabor sa paghatag sang prangkisa sa Prime Water Infrastructure Corporation amo sanday Councilors Lyndon Acap, R Leone Gerochi, Mandrei Malabor, Plaridel Nava, Joshua Alim, Eduardo Penaredondo ,Liezel Joy Zulueta- Salazar kag Candice Tupas .