Iloilo City – Nagwalk-out si Iloilo City Mayor Jerry Treñas sa command conference nga iya ginpatawag kaupod ang mga katapo sang Iloilo City Police Office sa pagpanguna ni Director Police Col. Joeresty Coronica.
Sa interview sang Bombo Radyo kay Mayor Treñas, iya ginpahayag nga nagahatag ini sang instruction apang ang duha ka babaye nga police major nga ara sa iya atubang ang nagakuti sang cellphone.
Gintawag naman sang alkalde nga bastos ang duha ka police majors nga wala man niya ginpangalanan.
Sa pihak sini, kumporme man ang alkalde sa ginpresentar ni Coronica nga plano para sa pagpatuman sang peace and order sa syudad apang nabalaka lang ini nga kun magpakita man sang kabastos ang iban nga pulis kaangay sang ginpakita sang duha ka babaye nga police major, nagapang-alang-alang ini nga magsalig sa kapulisan.
