ILOILO CITY – Nag-file na sang sick leave si Iloilo City Mayor Jed Patrick Mabilog nga tubtob subong wala pa makabalik sa pungsod.
Ginpahayag ni Atty. Mark Piad, legal counsel kag spokesman ni Mayor Mabilog, may diabetes ang alkalde kag kinahanglan sini magpabulong.
Epektibo ang sick leave ni Mabilog Setyembre 11 tubtob Setyembre 30 subong nga tuig.
Apang gin-athag ni Piad nga indi man “life threatening” ang kahimtangan sang alkalde pero mas makapaayo kun gilayon ini mahatagan sang pagtamod antes maglala.
Dugang pa ni Piad, gamiton ni Mayor Mabilog ang sick leave agud makapahuway “physically, emotionally kag mentally” ilabi na sa ginapangatubang nga problema matapos hingadlan ni Presidente Rodrigo Duterte nga kuno drug protector.
Samtang wala mahibaluan ni Piad kun sa diin karon si Mayor Mabilog nga una nagpadulong sa Japan para magtambong sa international forum antes nagdiretso sa Malaysia para sa isa ka summit kag wala na nagpauli sa Pilipinas.