Hugot nga ginakondenar ni Iloilo City Mayor Raisa Treñas ang nangin pahayag ni Quezon City 4th District Representative Jesus “Bong” Suntay batok sa aktres nga si Anne Curtis sa ginpatigayon nga deliberasyon sang House Committee on Justice para sa impeachment complaints batok kay Vice President Sara Duterte, kun sa diin ginsal-ot ni Suntay ang iya kaugalingon nga imahinasyon.
Madumduman nga sa amo nga hearing, ginpakigahin ni Suntay nga nakit-an sini anay sa isa ka mall si Anne Curtis, kag bangud sa tuman sini nga katahum, nakabatyag ini sang “desire” suno sa iya kag na-“imagine” na lamang niya kun ano ang iya himuon sa amo nga actress.
Sa interview sang Bombo Radyo kay Joy Fantilaga Gorzal, spokesperson ni Mayor Treñas, iya ginpahayag nga bilang isa ka babaye kag bilang mayor sang Iloilo City, indi siya pwede nga maghipos lamang sa amo nga pahayag bangud isa ini ka “unacceptable” nga pahayag kag wala ini sang lugar sa bisan ano nga public discourse.
Dugang pa sini nga ang kada tinaga sang isa ka public official ang may yara gid sang kabug-atun sa ano man nga tion, bisan pa hambalon nga isa lamang ini ka “imagination”.
Nagpangabay sa karun ang alkalde nga respetuhon ang tagsa ka kababaehan sa tanan nga ti-on.
Nagpanawagan man ini kay rep Suntay nga magpagua sang isa ka “sincere” public apology.
