ILOILO CITY – Indi luyag ni Iloilo City Mayor Jerry Treñas nga may mga patrol car kag motorsiklo nga nakatambay sa mga police station sa syudad.
Sa interview sang Bombo Radyo kay Treñas, iya ginpahayag nga luyag niya makit-an ang mga patrol car kag motorsiklo sang mga kapulisan nga nagalibot sa syudad sang Iloilo ilabi na kun peak hours.
Suno kay Treñas, ginmanduan naman niya si Iloilo City Police Office Director Pol. Col. Eric Dampal nga imbestigahan ang mga natabo sang damlag lang nga “abduction” kag asud-asud nga pinatyanay.
Dugang pa sang alkalde, bwas nga adlaw maistorya siya liwat kay Dampal agud mahibaluan kun may yara na sang update may kaangtanan sa abduction nga natabo sang Marso 3.
