Ginpanginwala ni Iloilo City Mayoral Candidate Roland Magahin nga gin-endorso siya sang Team Sulong Gugma.
Sa interview sang Bombo Radyo kay Magahin, iya ginpahayag nga mga supporters lang niya ang naghimu sang mga posters nga natapik sang iya istura sa slate sang Team Sulong Gugma.
Suno kay Magahin, makabig niya nga patalang ang istorya nga gin-endorso siya sang grupo ni Iloilo City Lone District Representative Julienne “Jam-jam” Baronda.
Paathag niya, wala pa gid ini sila nakakitaay ni Congresswoman Baronda samtang isa lang ka bes nga nakakitaay sila ni Former Councilor Love-love Baronda sa event sang Commission on Elections (COMELEC) Iloilo City.
Nagapati ini nga personal na nga desisyon sang mga lideres sang Team Sulong Gugma ang pag-endorso sa iya.
Nanindugan man ini nga kinamatarong niya bilang independent candidate ang pag-endorso sang mga kandidato nga naluyagan niya kapareho sa ginahimu sang Team Uswag nga pag-endorso kay Mr. Mel Carreon sa pagkakongresista.
