ILOILO CITY – Nadala ang syudad sang Iloilo sa siyam ka mga local government units (LGUs) nga gintumod sang OCTA Research nga COVID-19 high-risk areas.
Suno sa OCTA Research nga amo ang grupo sang mga eksperto nga nagamonitor sa COVID-19 situation sa pungsod, siyam ka LGUs sa bug-os nga Pilipinas ang high-risk bangud sang mataas nga numero sang COVID-19 casess, attack rate, kag mataas nga hospitalization occupancy.
Santo sa November 3 report sang nasambit nga grupo, magluwas sa Iloilo City, nalakip man sa mga LGUs ang:
Makati City sa NCR
Malabon City sa NCR
Baguio City sa Luzon
Itogon, Benguet sa Luzon
Tuba, Benguet (Luzon)
Lucena, Quezon sa Luzon
Catarman, Northern Samar sa Visayas
Pagadian, Zamboanga del Sur sa Mindanao
Suno sa OCTA Research, ini nga mga lugar ang maka-eksperyensya sang “hospital burden” sa masunod nga semana kag mangin problema sa health care systems kag sa medical frontliners.
Bangud sini, ginapanugyanan ang mga LGUs nga pasangkaron pa ang COVID-19 testing, contact tracing, kag isolation efforts agud matapna ang local transmission.
