ILOILO CITY – Nagapanguna ang syudad sang Iloilo kun numero sang traffic accident sa Western Visayas ang pagahambalan.
Sa interview sang Bombo Radyo kay Police Lieutenant Colonel Efren Lozada, pinuno sang Traffic Investigation and Enforcement Unit sang Iloilo City Police Office, iya ginpahayag nga kun basehan ang 2019 record sa bug-os nga rehiyon, nagalab-ot sa 8,998 ang aksidente nga nagresulta sa damage to property, 529 ang nagresulta sa homicide samtang 5,139 naman ang nagresulta sa physicial injury.
Suno kay Lozada, sa bahin sang Iloilo City Police Office, nagalab-ot sa 5,754 ang aksidente nga nagresulta sa damage to property, 23 ang nagresulta sa homicide samtang 1,228 ang nagresulta sa physical injury.
Ginpahayag ni Lozada nga kun lantawon ang kabangdanan sang aksidente, kalabanan ang tuga sang human error, ginasundan sang mechanical deffect kag weather and road condition.
Gin-ako sang natungdan nga nagsaka ang numero sang traffic accident sa rehiyon sang nakaligad nga tuig.
