ILOILO CITY – Nagbiya na sa siyudad sang Iloilo ang mag-iloy ni Mayor Jed Patrick Mabilog.
Ini kasunod sang nabaton nga pamahog sa kabuhi sang pamilya sang alkalde kun sa diin ginapahayag nga ubuson pamatay ang miyembro sang iya pamilya.
Ginpahayag sa Bombo Radyo ni Maria Victoria Mabilog, misis sang alkalde, masakit man nga bayaan ang siyudad sang Iloilo, apang kinahanglan niya ini himuon para sa ila kaluwasan.
Ginpasalamatan man sini ang mga nagasuporta sa ila kag malapit nga mga abyan sa ginapakita nga kabalaka sa iya pamilya.
Ang nasambit nga mensahe ang nabalhag man sa Facebook page ni Mrs. Mabilog.
Suno sa first lady sang Iloilo City, 32 oras sila nga nagbiyahe upod ang duha ka anak nila ni Mayor Mabilog agud makalab-ot kun sa diin ini sa karon.
Ginpakamaayo naman sang pamilya nga indi pag-ibuyagyag sa publiko ang ila nahamtangan.