Nakakuha na ang syudad sang Iloilo sang gold medal sa nagapadayon nga 2022 Batang Pinoy National Championships sa Vigan City, Ilocos Sur.
Ini paagi kay Harvy Dolutan nga nagpangibabaw sa 14 & 15 years old boys cycling category sa amo nga hinampang.
Ginpanglutos sini ang 30 ka iban pa nga tagpalasakop nga nagikan sa nagkalain-lain nga lugar sa Pilipinas.
Antes nadag-an ang gold medal, may duha na ka silver medals nga nakuha ang syudad sang Iloilo.
Halin sang nagsugod ang Batang Pinoy Program sang 1999, madamo na ini sang na-produce nga mga kampyeon sa nagkalain-lain nga sports lakip na ang mga ginapadala sang Pilipinas sa Olympiada.
Subong nga tuig, 6,000 ka mga participants halin sa masobra 140 local government units ang naga-compete sa siyam ka face-to-face sports kaangay sang archery, athletics, badminton, chess, cycling, table tennis, swimming, weightlifting, kag obstacle course (demonstration).
