ILOILO CITY- Nalubog na naman sa tubig-baha ang madamo nga porsyon sang Iloilo City kasunod sang pagbubo sang mamunog nga ulan kahapon sang hapon.
Madamo nga mga estudyante kag mga empleyado ang stranded kag wala gilayon nakapauli bangud sa lebel sang tubig nga nagalab-ot sa batiis kag kutob sa tuhod naman sa iban nga porsyon sang syudad.
Naglab-ot naman sa 54 ka barangays ang nabahaan sa mga distrito nga ginalakipan sang City Proper, La Paz, Lapuz, Jaro, Mandurriao, kag Molo.
Madamo man nga mga commercial establishments ang ginsulod sang tubig.
