Ginkasubo sang Public Information Office sang Iloilo City Government ang paglapta sang fake news sa social media.
Isa na diri ang fake news nga magapatigayon sang candle lighting kag prayer rally ang city government para kay former President Rodrigo Duterte.
Sa interview sang Bombo Radyo kay Lucy Sinay, head sang Public Information Office sang Iloilo City Government, iya ginpahayag nga padayon ang mga tikang nga ginapatuman sang talatapan nga nagapakampanya batok sa fake news.
Suno kay Sinay, kinahanglan nga ginaubra gid sang publiko ang pagpang-check sang impormasyon nga gina-share sa social media agud nga indi na magsangkad ang disinformation kag misinformation.
Nagpanugyan man ini sa publiko nga magkoordinar sa ila nga social media accounts agud matumod kon legit ukon indi ang isa ka impormasyon nga nagahalin sa city government.
Nagalaum man ang natungdan nga mangin responsable ang kadam-an sa paggamit sang social media.
