ILOILO CITY – Ginkalipay sang Iloilo City Police Office ang plano sang Iloilo City Government nga dugangan ang mga police stations kag police vehicles.
Sa interview sang Bombo Radyo kay Pol. Col. Eric Dampal, officer-in-charge sang Iloilo City Police Office (ICPO), iya ginpahayag nga nagapasalamat sila sa plano ni Mayor Jerry Trenas.
Suno kay Dampal, kun madayon ang pagpahamtang sang dugang nga mga police stations sa probinsya kag syudad sang Iloilo, makapamaayo ini sa Philippine National Police kag madugangan pa ang seguridad sang pumuluyo.
Madugangan man suno sa iya ang mga kapulisan rason nga mas mapasangkad ang ila trabaho.
Sa subong, wala pa sang konkreto nga detalye ang Philippine National Police kun sa diin kag san-o ini mapatuman.
