ILOILO CITY– Wala pa sang narekord nga election related incidents sa syudad sang Iloilo.
Sa interview sang Bombo Radyo kay Police Captain Shiela Mae Sangrines, Spokesperson sang Iloilo City Police Office, iya ginpahayag nga nagalibot sa subong magluwas sa nakadeploy nga mga pulis sa tagsa ka polling precincts may yara man sang mobile patrol nga nagalibot kag may yara man sang quik reaction team nga naka standby kag handa magresponde sa tion nga may yara sang insidente nga magluntad.
Suno pa kay Sangrines kun may yara sang mga reports sang pagpamahog sa mga botante, gilayun naman ini
nga ireport sa pinakamalapit nga police station agud mavalidate ang impormasyon kun sin-o man ang yara sa likod sang
pagpamahog.
Pahayag pa ni Sangrines nga ila man ginadayaw ang pagka aktibo sang mga pumuluyo sa pagpalab-ot sang
mga impormasyon sa kapulisan.
Ginpahanumdum man ni Sangrines ang mga botante nga ang tagsa ka boto ang sagrado kag nasandig sa maayo nga pagpili sang kandidato ang bwas damlag sang tagsa-tagsa kag sang mga kabataan.
Lakip man sa mga ginpahanumdum sang natungdan ang mga dapat kag indi dapat nga himuon sa sulod sang polling precincts.
