ILOILO CITY – Ginkumpirma sang Iloilo City Police Office (ICPO) nga may balasahay nga matabo sa headquarters sang ICPO.
Sa interview sang Bombo Radyo kay ICPO spokesperson Senior Insp. Sheila Mae Sangrines, ginpahayag sini nga magabayluhanay sanday Supt. Alexander Rosales sang Traffic Division kag Supt. Efren Lozada sang City Mobile Force.
Buslan man bilang Chief Administrative Officer si Senior Insp. Marlyn Roquero tungod sang natalana nga schooling kag magabulos sa iya si Supt. Arnel Bigcas.
Samtang wala pa sang napilian ang ICPO nga magabulos sa Deputy Chief position nga mabakante sa Molo PNP tungod sang schooling ni Insp. Edgar Fagot.
Gin-athag man ni Sangrines nga wala pa sang abiso sa ginapahayag pag-relieve kay Senior Insp. Mary Grace Borio sang Arevalo PNP amo man sa iban nga mga hepe sa nagkalain-lain nga distrito sang siyudad.