Iloilo City – Wala pa sang ginahingadlan nga mga suspek ang Iloilo City Police Office apang may ginasundan na nga mga angulo sa pagpatay sa duha ka mga indibidwal sa Barangay Baldoza, La Paz, Iloilo City.
Ang mga biktima amo sanday Jomar Mendoza, ginapahayag nga residente sang San Nicolas, Lapaz; kag Edmund Mendoza alias “Turling”, 32, residente sang Baldoza, Lapaz, Iloilo City.
Nahibaluan nga ang mga biktima ang ginpasakaan na sang una sang sampaw sampaw nga kaso may kaangtanan sa illegal drug trade kag iban pa nga mga violations sa layi.
Sa interview sang Bombo Radyo kay Police Colonel Joeresty Coronica, director sang Iloilo City Police Office, iya ginpahayag nga posible magkilalahay ang mga biktima kag mga suspek bangud bag-o pa man nga ginluthang ang duha, nakaistoryahanay pa ang mga ini antes nagpadulong ang mga suspek sa direksyon pakadto sa Coastal Road Jaro, Iloilo City, Iloilo matapos ang krimen.
Suno kay Coronica, wala na natumod gid kun pila ang igo sang mga biktima bangud wala pa gin-autopsy.
Kaangot diri, narekober sa crime scene ang 12 ka mga basiyo sang .45 calibre pistol, air soft gun kay apat tanan ka mga sachet sang suspected shabu kay Mendoza.
