ILOILO CITY – Nagpahanumdom ang Iloilo City Police Office sa publiko nga dapat nga mag-andam gid batuk sa mga makawat.
Ini ang kasunod sang natabo nga mga kinawatay sa distrito sang La Paz kag sa distrito sang Jaro kun sa diin, daw kaangay nga wala pa nahadlok ang kawatan nga makilala matapos nga nag-atubang pa sa closed circuit television.
Sa interview sang Bombo Radyo kay Police Colonel Leo Batiles, director sang Iloilo City Police Office, iya ginpahayag nga mas maayo kun may yara gid sang bantay sa mga panimalay kag mangin sa mga establishments.
Siguraduhon man nga indi mahatagan sang tsansa ang mga kawatan nga makahimo sang krimen.
Diri sa Iloilo City, indi organisado ang kinawatay suno sa opisyal.
