ILOILO CITY – Nagpangayo sang pasaylo ang Iloilo City Police Station 1 matapos nakit-an nga naga-park sa bike lane ang patrol car.
Sa interview sang Bombo Radyo kay Police Captain Peter John Ramos, officer-in-charge sang Iloilo City Police Office Station 1, iya ginpahayag nga bangud wala sang available nga parking space kag nagdugok ang mga nagbisita sa police station, ginpili nalang anay sang mga ini nga mag-park sa bike lane.
Suno kay Ramos, nagahingyo ini sang gamay nga paghangop sa mga pumuluyo bangud sa amo man nga tion, gina-asikaso sang mga ini ang kaso sang ila preso nga natalana nga dal-on sa korte.
Nagpasalig ang natungdan nga wala sini ginatolerar ang pag-park sa bike lane kag nagpasalig man ini nga temporaryo lamang ini.
