ILOILO CITY – Napuhag ang mga pumuluyo sa City Proper area, matapos masapwan ang isa ka itom nga backpack nga ginbilin sa poste sa kilid sang Iloilo Freedom Grandstand.
Nasapwan nanday Mr. Darwin Papa sang City Disaster Risk Reduction and Management Office ang makaduluda nga bag sang magguwa ang mga ini sa ila talatapan rason nga nagtawag sang bomb disposal unit sang Iloilo City Police Office.
Natukiban naman nga ginapanag-iyahan ni Jay-R Pallema nga tumandok sang Bicol, ang nasambit nga backpack.
Suno kay Pallema, ginbilin niya sa poste ang bag bangud nagpadulong ini sa police station.
Sang gin-usisa sang mga otoridad, natukiban ang unod sang bag nga mga panapton ni Pallema.
Temporaryo naman nga ginsirado ang dalan Guanco kag J.M. Basa mangin ang Muelle Loney kag Rizal Street bangud sang insidente, rason sang perwisyo sa trapiko.