ILOILO CITY – Ginpapanaugan sang 90-day preventive suspension sang Ombudsman si Iloilo City Rep. Jerry Treñas.
Ini ang may kaangtanan sa graft case nga ginpasaka sang Ombudsman batok sa mamalidha sa Sandiganbayan sadtong Nobyembre sang nakaligad nga tuig.
Ang suspension order ang nabaton sang abogado sang mamalidha sang Enero 5, 2018.
Ginpahayag sang mamalidha nga nagapakig-angot na ini sa talatapan ni House Speaker Pantaleon Alvarez agud mahibaluan kun san-o iga-implementar ang amo nga suspension order.
Kumpiyansa naman si Treñas nga mabaliskad pa ang desiyon sang Ombudsman ilabi pa nga suno sa iya, ginhatag sini ang tanan nga pondo sa pagpatukod sang building sang Iloilo Press Club.
Madumduman nga mismo si Ombudsman Assistant Special Prosecutor III Jorge B. Espinal ang nag-akusar kay Treñas sa paglapas sang Republic Act 3019 (Anti-Graft and Corrupt Practices Act) paagi sa paghatag sang “unwarranted benefits, advantage or preference” paagi sa pag-release sang P500,000 para sa pagpatukod sang building sang Iloilo Press Club sa Molo Iloilo City, 15 ka tuig na ang nakaligad.
Nagpamalibad naman ang mamalidha nga magtul-id pa sang detalye sang amo nga kaso ilabi pa nga yara na ini karon sa korte.