Nakasulod sa Top 75 sang Miss Universe Philippines 2021 pageant ang tiglawas sang Iloilo City nga si Keshapornam Ramachandran.
Ang Top 75 nga mga kandidata, sandig sa anunsyo sang Miss Universe Philippines Organization, ang ginpili paagi sa mga natipon nga boto sa Headshot, Intro Video Challenges, kag boto halin sa pageant organization.
Lakip man sa Top 75 ang tatlo ka iban pa nga beauty queen sa Panay: Cheri Angel Anne Flejoles sang Capiz, Christelle Abello sang Aklan, kag Noelyn Rose Mabuhay Campos sang Antique.
Ang Top 75 ang maga-compete pa para sa spot sa Top 50.
Ang grand coronation sang pageant ang patigayunon sa Septyembre 25 kag ang mapilian nga winner ang magatiglawas sang Pilipinas sa Miss Universe pageant sa Israel sa bulan sang Disyembre.
