ILOILO CITY– Nagapangita na sang budget ang Iloilo City Treasurers Office agud makabakal sang dugang nga salakyan sang mga departamento sa Iloilo City Government.
Sa interview sang Bombo Radyo kay City Treasurer Engr. Jinny Hermano, iya ginpahayag nga suportado niya ang lihok ni Iloilo Citu Mayor Jerry Treñas nga pagbakal sang dugang nga mga salakyan para sa mga talatapan nga nagakinahanglan.
Suno kay Hermano ginatan-aw na niya ang iya libro agud mahibaluan kun sa diin siya magakuha sang magamit nga pondo sa pagbakal sang mga salakyan.
Ginklaro man ni Hermano nga may pila na sadto ka mga salakyan nga nabakal sa administrasyon ni anay Iloilo City Mayor Jose Espinosa III nga nabayaran na apang ang mga overprice nga mga salakyan ang wala pa sa gihapon nabayaran sang syudad.
