ILOILO CITY- Gin-ako sang Iloilo City Government nga mas ginhatagan sang syudad sang prayoridad ang ayuda para sa mga pumuluyo nga apektado sang pandemya, labaw sa sweldo sang mga vaccinators kag pila ka job hires sa city hall.
Sa interview sang Bombo Radyo kay Iloilo City Mayor Jerry Treñas, iya ginpahayag nga ini ang rason kun ngaa delayed sang duha ka bulan ang sweldo sang mga vaccinators sa mga vaccination sites sa syudad.
Suno kay Treñas, P460 million ang balor sang ayuda nga gintigana para sa mga pumuluyo.
Pahayag sang alkalde,sa subong, ginaproseso naman sa City Accounting Office ang sweldo sang mga vaccinators kag iban nga job hires.
