𝗜𝗟𝗢𝗜𝗟𝗢 𝗖𝗜𝗧𝗬 — Ginpanginwala sang Iloilo City Veterinarian’s Office nga may ginpatay nga ido kag ginbaligya nga mga dog food ang Iloilo City Pound and Animal Shelter (ICPAS).
Sa interview sang Bombo Radyo kay Dr. Fernando Abulencia, head sang Iloilo City Veterinarians Office, iya ginpahayag nga
iya ginpahayag nga may records nga nagapakita nga nasapwan-patay ang ido matapos ini na-impound sa Ledesco Village sang Mayo 20,2024.
Gin-athag man sini nga anom ka mga ido ang na-impound sa village sa diin, ang gina-alegar nga ginkuga nga ido ang nakitaan na sang canine distemper nga sakit antes paman ini nasapwan-patay.
Nagpanindugan man ang natungdan nga siya lang ang may otoridad nga maka-perform sang euthanasia sa mga ido kun kinahanglanon.
Wala naman gin-ako ni Abulencia nga ginabaligya ang mga dog food sa shelter bangud siya mismo ang naga-abono kun nagakulang ang pagkaon sang mga ido.
Ginakabig naman sang veterenarian nga isa ka pagtraidor sa iya nga propesyon kun mahimo sini ang ginabato nga alegasyon, sa diin, indi sini maubra nga sakiton kag pabay-an ang mga kasapatan.
