ILOILO CITY — Ginbuyagyag ni Iloilo City Vice Mayor Jeffrey Ganzon ang posible nga mangin line up sang kampo ni Iloilo City Lone District Representative Jam-Jam Baronda para sa 2025 elections.
Sa interview sang Bombo Radyo kay Ganzon, iya ginpahayag nga nakit-an sini ang triumvirate poster sang mga Baronda sa diin nagaguwa nga mapa-re-elect sa pagka-kongresista si Representative Jam-Jam Baronda, alkalde naman ang padalaganan ni Councilor Doc Nick Baronda, samtang bise-alkalde naman si Love-love Baronda.
Suno kay Ganzon, sa laragway nga iya nakit-an, wala pa wala pa ini sang mga councilor agud makompleto ang line up sang kampo sang Baronda.
Ginpahayag man sang bise-alkalde nga apisar nga posible bunggu-on siya ni Love-love, nagapati ini nga nga respetohon sang pamilya Baronda ang iya last term bilang vice mayor sang syudad.
Apang, ginapabilin sa gihapon ni Ganzon sa posible nga mangin kasumpong sini nga si Love-Love ang desisyon sa palaabuton nga eleksyon.
