ILOILO CITY – Nagpositibo sa Coronavirus Disease 2019 (COVID-19) si Iloilo City Vice Mayor Jeffrey Ganzon.
Ini ang ginkumpirma sa Bombo Radyo sang iya anak nga si Rara Ganzon.
Suno kay Ganzon, nagnegatibo sa Rapid test ang iya amay apang nagpositibo naman sa Reverse Transcription Polymerase Chain Reaction (RT-PCR) test.
Suno kay Ganzon, nagapabilin nga asymptomatic ang iya amay nga sa subong, padayon nga ginabulong sa hospital bangud sa gallstones.
Ginpahayag ni Ganzon nga kasubong nga blessing in disguise man ang natabo bangud nga kun wala naglain ang pamatyag sang iya amay, wala gid natukiban nga nagpositibo ini sa COVID-19.
Nahibalu-an nga gin-admit sa hospital ang Bise Alkalde sang Agosto 27 bangud sa hilanat kag pagpalanuka tuga sang bacterial infection kag may yara man sang Acute Pneumonia.
