Pila na ka eleksyon ang nag-agi nga wala natumod nga election hotspot ukon election area of concern ang syudad sang Iloilo.
Sa interview sang Bombo Radyo kay Mr. Jonathan Sayno, election assistant sa Iloilo City – Comelec, iya ginpahayag nga 2010 pa sang ulihi nga na-classify nga area of concern ang syudad apang wala man sang malain nga natabo.
Posible nga Enero pa maistoryahan kag ma-anunsyo sang Comelec kun ano nga mga lugar sa pungsod ang makabig nga Comelec-controlled.
Posible nga makabig nga election hotspot ang isa ka lugar kun may yara sang history sang intense political rivalry, election-related violence, kun may pribado nga armado nga mga grupo, kag kun nagapamahog ang rebelde nga grupo.
Sa probinsya sang Iloilo, wala pa man sang na-determinar nga election areas of concern bangud istoryahan pa ini sang PNP, AFP, kag Comelec.
18181 CommentLikeCommentShare
