Dayunon sang Iloilo City Comission on Election (COMELEC) Office ang ila nga contingency plan para sa dalagko nga grupo sa Iloilo City nga maga-file sang certificate of candidacy (COC).
Sa interview sang Bombo Radyo kay Atty. Pinky Jevini Tentativa, election officer IV sang Iloilo City COMELEC, iya ginpahayag nga sa subong, wala pa sa gihapon sang changes sa mga schedule nga ginhatag sang Team Uswag ni lloilo City Mayor Jerry Treñas kag Team Gugma ni Iloilo City Lone District Representative Julienne “Jam-Jam” Baronda.
Suno kay Tentativa, posible nga i-disregard ang amo nga plano kon madayon gidman ang pag-updanay sang duha ka mga grupo.
Pananglitan naman nga indi sila maghugpong kag magdungan nga mag-file sa amo nga adlaw, padayunon ang nasambit nga plano.
Magahingyo naman sang bulig ang talatapan sa Iloilo City Police Office (ICPO) agud nga mapabilin nga hugot ang seguridad sa venue.
Nagalaum naman ang City COMELEC nga madayon gid ang pinal nga petsa nga ginhatag sa ila sang duha ka grupo.
Gin-ako man sang talatapan nga bentaha sa ila nga bahin kon indi madayon ang pag-updanay sang duha ka mga dalagko nga grupo.
