Masobra P1.7 million ang napaguwa nga bulig sang Iloilo City Social Welfare and Development Office (CSWDO) kasunod man sang epekto ni Bagyong Kristine sa syudad.
Sa interview sang Bombo Radyo kay Carmela Trabasas, head sang Disaster Response Team sang City Social Welfare and Development Office, iya ginpahayag nga naglab-ot sa 110 ka mga barangay ang naapektohan sa syudad nga ginakabug-usan sang 2,271 ka mga pamilya.
Suno kay Trabasas, sa nasambit nga numero sang pamilya, ginakabug-usan ini sang 10,854 ka mga indibidwal.
Ginpahayag man sini nga bangud sa mabaskog nga hangin kag ulan nga dala ni Bagyong Kristine, 1,033 ka mga balay ang naguba kon sa diin, 79 diri ang totally damaged, samtang 954 ang partially damaged.
Padayon naman ang pagtuon sang talatapan sa mga apektado agud matumod ang mga mahatagan sang nagakaigo nga bulig.
Wala naman sang na-record nga casualties sa pagsalakay sang amo nga bagyo, kon sa diin, nagapati ang natungdan nga ini bangud sa pagpatuman sang insigida nga preemptive evacuation sa mga low lying kag coastal areas
