𝗜𝗟𝗢𝗜𝗟𝗢 —Gin-kwestyon ni Iloilo First District Representative Janette Garin ang San Joaquin Municipal Police Station kasunod sang ginapahayag nga wala sila sang tikang nga ginahimo apisar nga ginpilit nga kandaduhan sang pamilya Getuya ang daan nga San Joaquin Mother and Child Hospital.
Sa interview sang Bombo Radyo kay Rep. Garin, iya ginpahayag nga liwat nga ginbalik sang pamilya Getuya sang cyclone wire sa entrance sini nga may nakasaad nga “No Entry, Private Property”.
Suno kay Garin, ang nasambit nga hospital ang ginpasad sang tuig 1991-1992 nga ginpodohan sa Local Government Unit (LGU) samtang ang ginapahayag sang pamilya Getuya nga deed of donation ang sang tuig 2003 lang.
Gin-athag man ni Garin nga sang napatay ang lolo ni San Joaquin Vice Mayor Marvigrace Getuya Lago, idto sang ginsaylo ang titulo sang duta sa anak sini nga si anay San Joaquin Sangguniang Bayan Member Vilma Sta. Cruz Getuya.
Dako naman nga palaligban para kay Garin ang pagpabilin sang kapulisan sang San Joaquin nga wala sang may ginahimo nga pamaagi agud mabantayam ang propedad sang gobyerno.
Ginkwestyon man sang natungdan ang punong barangay sang ginaphamtangan sang hospital bangud sa pag-issue sang certification nga wala na ginagamit ang pasilidad.
Liwat naman nga gin-athag sang mamalidha nga wala gin-abandona ang San Joaquin Mother and Child Hospital bangud padayon nga ginagamit ang Radiology Department sini.
