Gina-target sang Iloilo Provincial Government Environment and Natural Resources Office nga mangin forest province ang Iloilo sa 2044.
Sa interview sang Bombo Radyo kay Mitzi Peñaflorida, senior environmental management specialist sang Iloilo Provincial Government Environment and Natural Resources Office, iya ginpahayag nga ang program ang ginsugodan sang 2020 sa banwa sang Anilao, Iloilo.
Suno kay Peñaflorida, sa subong, may 38 na ka mga munisipalidad sa probinsya sang Iloilo ang nag-adoptar sang ordinansa nga i-regulate ang paggamit sang mga plastic agud malikawan nga makahalit sa palibot.
Tuyo man sang talatapan nga amat-amat lang tubtob mangin ‘full blown’ ang implementation sang nasambit nga ordinansa.
Ginpahayag man sini nga ang tikang ang mangin kahigayunan man agud nga ma-promote ang alternative bags kaangay na lamang sang mga Alát basket nga mahimo mahuman sang tagsa ka banwa.
Sa idalom sang executive no. 195, sakop sang programa ang Tanom Iloilo kon sa diin, magabulig agud nga malab-ot sang probinsya ang target nga mangin forest province sa tuig 2044.
