ILOILO CITY – Gin-ako sang Department of Agriculture (DA) nga indi bastante ang suplay sang kape, cacao, tubo kag mais sa Iloilo.
Sa interview sang Bombo Radyo kay DA Regional Director Remelyn R. Recoter, iya ginpahayag nga magluwas sa humay, kinahanglan sa gihapon sang mga mangunguma nga magtanom sang nasambit nga mga produkto.
Suno kay Recoter, may yara sang puti nga mais sa Western Visayas, apang malaka lang ang nagakaon sini bangud indi ‘white corn-eating region’ ang Iloilo kag iban pa nga mga kaiping nga lugar.
Ginpahayag ni Recoter nga ang mga Cebuano-speaking lang nga mga lugar amo ang palakaon sang mais kag gina-simpon sa bugas.
Samtang, ginapanan-aw naman nga magluwas sa sugar liberation law, ginaplano man sang mga mamalidha nga magduso sang sugar liberization act.
Katuyuan sini suno kay Recoter nga indi pag-kulangon ang suplay sang kalamay sa rehiyon pinaagi sa pag-import sa luwas sang pungsod.
