ILOILO – Ginkalipay ni Iloilo Governor Arthur ‘Toto’ Defensor Jr. ang nangin madinalag-on nga ‘do day kontra dengue’ nga ginpatigayon sa bug-os nga probinsya sang Iloilo.
Sa interview sang Bombo Radyo kay Gov. Defensor, iya ginpahayag nga timprano pa sang siya ang nagpadulong sa mga kabanwahanan agud nga bisitahon kag lantawon kun epektibo ang nasambit nga aktibidad.
Suno kay Defensor, nag-ugyon ang tanan nga mga pumuluyo sa tagsa ka mga banwa agud nga magpanglimpyo sang ila lugar.
Indi lang mga barangay ang ginpangtinloan kadungan sang do day kontra dengue sa baylo amo man ang mga buluthuan sa probinsya.
Ginbisita man sang gobernador ang ma ospital agud nga bisitahon kag lantawon ang sitwasyon sang mga pasyente.
Nakit-an ni Defensor nga madamo sang nagakulang nga higdaan ang mga pasyente gani nagapanawagan siya sa mga pribado nga sektor nga kun mahimo makabulig sa kinahanglanon sang mga pasyente ilabi na kun makahatag ang mga ini sang folding bed sa mga ospital.
Dugang pa sang natungdan, kuntani nga mapabilin sang mga pumuluyo ang pagpaninlo sang ila mga lugar agud nga matapna ang dengue.
