ILOILO – Nagahingyo si Iloilo Governor Arthur Defensor Jr. nga kun tani indi anay pagpapaulion ang Overseas Filipino Workers nga natalana mag-abot sa syudad sang Iloilo.
Sa interview sang Bombo Radyo kay Defensor, iya ginpahayag nga nakapakig-angot na siya kay Maritime Industry Authority Region 6 Director Jose Venancio Vero agud istoryahan ang temporaryo nga pagauntat sang repatriation.
Suno kay Defensor, nahibaluan na niya nga may yara pa sang iban nga mga OFWs nga magapauli bangud sa una nga abiso sang MARINA rason nga iya ginahingyo sa national government nga wala anay sang may magpauli sa Iloilo.
Ginpahayag ni Defensor nga ginahulat sa subong ang resulta sang Polymerese Chain Reaction test sang repatriates nga taga probinsya sang Iloilo agud mahibaluan kun may yara sang nagpositibo sa virus.
