ILOILO-Napirmahan na ni Iloilo Governor Arthur Defensor Jr., ang executive order nga nagapalawig sang Enhanced Community Quarantine sa probinsya sang Iloilo tubtob sa Mayo 15.
Sa interview sang Bombo Radyo kay Defensor, iya ginpahayag nga ang basehan sang iya executive order amo ang resolusyon nga ginpaguwa sang National Inter-Agency Task Force for the Management of Emerging Infectious Diseases sa diin nalakip ang probinsya sang Iloilo sa mga lugar nga magapabilin sa Enhanced Community Quarantine.
Suno kay Defensor, nakasaad man sa executive order ang restrictions sa pagbyahe humalin Mayo 1 tubtob Mayo 15.
Ginpahayag ni Defensor nga sa subong, magapabilin ang pagpatuman sang tanan nga preventive measures sa bug-os nga probinsya.
