ILOILO CITY – Liwat gin-athag ni Iloilo Governor Arthur Defensor Sr. nga wala ini sang handum nga magpadalagan bilang congressman sa quarto distrito sang probinsiya sang Iloilo.
Sa interview sang Bombo Radyo, ginpahayag sang gobernador nga himo-himo lang ang nagguwa nga mga istorya nga posible siya magkandidato sa fourth district.
Wala gid magsulod sa iya pinsar suno kay Defensor ang amo nga ideya.
Kun may plano siya, kuntani suno sa gobernador, naghimo na siya sang tikang kaangay sang pagpatukod sang puluy-an sa fourth district kag pagsaylo sang iya registration.