ILOILO CITY–Nakabaton sang pagkilala si Iloilo Governor Arthur Defensor Sr. gikan sa Department of Environment and Natural Resources (DENR).
Nakuha kag ginbatun sang gobernador ang hall of fame on initiative on environment award.
Suno sa gobernador nga sang tuig 1992 kun sa diin nagdaug siya bilang gobernador sang probinsya sang Iloilo, wala pa siya sang ihibalo kun paano solbaron ang problema may kaangtanan sa dunang manggad.
Gin-ako man sang gobernador nga sadto, wala pa niya mahangpan ang climate change kag ang global warming.
Nahangpan na lamang niya ini sang ginpahibalo siya nga naga-amat-amat na tunaw ang iceberg sa north pole sang kalibutan.
Sang nahibaluanniya nga mahimo malumos sa tubig ang New York, Lodon, Manila kag iban pa nga lugar,  didto na niya nahangpan anag tanan.
Bangud sini suno kay Defensor, iya ginpatigayun ang tree planting activity sa probinsya kag nangin adbokasiya na sang iya administrasyon ang nasambit nga aktibidad.
Ginpasalamatan man sang gobernador ang DENR sa paghatag sa iya sang pasidungog.