ILOILO – Masubo kag malipayon si outgoing Iloilo Governor Arthur Defensor Sr. sa iya malapit nga pagpanaog sa pwesto bangud natapos na ang iya termino sa pagka gobernador sa probinsya sang Iloilo.
Siya ang pagabuslan sang iya mismo nga anak nga si incoming Gov. Arthur ‘Toto’ Defensor Jr.
Sa interview sang Bombo Radyo kay outgoing Gov. Defensor, iya ginpahayag nga malipayon siya nga naserbehan niya ang mga pumuluyo sang probinsya.
Apang nasubuan man ang gobernador bangud sa maabot nga Hulyo 1, magapungko na ang mga newly elected officials sa diin magahalin na siya sa iya pwesto.
Suno kay Gov. Defensor, madamo man sang nangin pagpanghangkat sa iya pagpamuno, nabaton naman niya nga may yara sang tawo nga wala sang luyag sa iya kag indi niya ini mapilit.
Apang ginapasalamatan sang gobernador nga sa sulod sang 18 anyos, madamo ang mga pumuluyo nga naka-apresyar sa iya nga pagpamuno.
