ILOILO CITY–Nagalaum si Iloilo Gov. Arthur Defensor Sr. nga mangin matinlo ang 2019 midterm elections.
Sa New Year’s message ni Gov. Defensor, iya ginpahayag nga wala na siya sang may ginapangayo pa magluwas lamang nga mangin malinong kag matawhay ang probinsya sang Iloilo sa pag-umpisa sang 2019.
May panugyan man ang gobernador sa mga pulitiko nga batunon kun ano man ang mangin resulta sang pinili-ay.
Kadungan sini, ginahingyo sang gobernador sa publiko nga mangin maalam sa pagpili sang maayo nga pulitiko kag indi magpadala sa materyal nga butang.