ILOILO– Ginduso ni Iloilo Provincial Governor Arthur ‘Toto’ Defensor Jr. ang pagpatuman sang cleanliness, order kag functionality sa Iloilo Provincial Capitol.
Sa interview sang Bombo Radyo kay Defensor , iya ginpahayag nga luyag niya hatagan sang atensyon kag idi-idan ang pagpanglimpyo sa bilog nga Iloilo Provincial Capitol.
Suno kay Defensor nagakadapat nga siguraduhon nga naga-andar ang tanan nga pasilidad sa Iloilo Provincial Capitol kaangay sang mga gripo sa mga comfort rooms.
Dugang pa sang gobernador, nagakadapat nga tupungan naton ang kalimpyo kaangay sang ginahimo sa iban nga pungsod.
Ginpasigurado man ni Defensor nga kay-uhon kag mas mas padasigon nila ang operasyon sa mga opisina sa Iloilo Provincial Capitol.
