ILOILO – Indi pabor si Iloilo Governor Arthur Defensor Jr. nga buksan ang klase subong nga tuig bangud sa Coronavirus Disease 2019 (COVID-19) pandemic.
Sa interview sang Bombo Radyo kay Gov. Defensor, iya ginpahayag nga mahimo lamang magbalik ang klase kun “zero” na ang COVID-19 sa Pilipinas.
Apang kun may yara sa gihapon sang ginabantayan kag kun amo sa gihapon ang eksperyensya sang kadam-an, luyag niya nga ipa-iway anay ang klase.
Suno kay Defensor, kun indi man lang sigurado ang tanan sang epidemiology sang virus, mas maayo nga ibutang sa siguro ang ikaayong lawas sang mga kabataan.
Pahayag sang gobernador, indi niya luyag nga mag risgo dako sa subong nga sitwasyon nga may pandemya.
Dugang pa sang natungdan, indi siya matingala kun indi madayon ang school year subong bangud kun siya lang ang pamangkuton, pabor siya nga ipa-iway anay subong nga tuig ang klase.
