Ginahitso na ni Iloilo Governor Arthur Defensor Jr. ang executive order (EO) nga ipapanaog may kaangtanan sa istrikto nga pagpatuman sang border control sa probinsya sang Iloilo.
Ini ang ginalauman nga ipatuman umpisa sa Hunyo 4.
Sa interview sang Bombo Radyo kay Iloilo Governor Defensor Jr., sa tion nga ipatuman ang amo nga pagsulundan, ang pasugtan lamang nga makabyahe amo ang may essential nga trabaho kag katuyuan, kag Authorized Persons Outside Residence (APOR).
Ginsapol naman sang gobernador ang katapo sang Philippine National Police kag Department of Interior ang Local Government may kaangtanan sa ipatuman nga border control.
Sa tion nga mapirmahan na ni Defensor ang iya nga EO, gilayon man niya ini nga i-anunsyo sa publiko.
