Liwat nga nagpanawagan si Iloilo Gov. Arthur Defensor Jr. sa publiko nga ipa-umod anay ang social gatherings sa tunga sang pandemya.
Sa interview sang Bombo Radyo kay Gov. Defensor, iya ginpahayag nga likawan anay ang pagtililipon sa namatyan ukon sa reception.
Kooperasyon sang tawo suno kay Defensor ang solusyon sa pagpanubo sang kaso sang COVID-19.
Mabudlay man nga ipaumod ang social gatherings apang nagapati ang gobernador nga makabulig ini sa probinsya.
Naghingyo man si Gov. Defensor nga kun mahimo indi lang magdungan kaon sa myembro sang pamilya nga nagatrabaho, nagakadapat nga mag- face mask sa gihapon sa sulod balay kag iseparar ang mga gamit.
Kun may mga tigulang naman ukon may comorbidities nga kaupod sa balay dugang sang gobernador, dapat gid nga mag-andam bangud mas ma mag-an ang problema kun indi malatnan sang COVID-19 ang yara sa vulnerable sector.
