ILOILO CITY – Nagapati ang gobernador sang probinsiya sang Iloilo nga may naga-eksister gid man nga operasyon sang iligal nga droga sa sulod sang Iloilo District Jail (IDJ).
Suno kay Gov. Arthur Defensor Sr. sa interview sang Bombo Radyo Iloilo, indi man mahimo nga nagabuhat lang sang istorya ang nadakpan nga drug pusher sang damlag langnga si Josefina Doctora sa Barotac Nuevo, Iloilo matapos magbisita sa IDJ.
Apang gin-athag sang gobernandor nga wala na sa hurisdiksiyon sang provincial government ang pagdumalahan sang jail facility kag ini ang sa idalom na sang Bureau of Jail Management and Penology (BJMP).
Samtang, naguwa na kag nagpa-interview eksklusibo sa Bombo Radyo si alyas “Rose” nga ginhingadlan ni Doctora alyas nga kaupod niya nga nagsulod sa Iloilo District Jail antis siya ang nadakpan sa isa ka buy bust operation.
Suno kay Rose, indi matuod nga kilalahay sila ni Doctora kag gin-athag nga madugay na siya nga wala nakabisita sa bilanguan.
Suno kay Rose, ginabisita niya sang una ang iya live-in partner nga anay man niya textmate sa sulod sang presuhan.
Ginpanindugan man ni “Rose” nga wala siya sang kilala nga Doctora kag wala siya nagapakigtransaksiyon sang iligal nga droga.