ILOILO CITY – Dako ang pagsalig ni Iloilo Governor Arthur Defensor, Jr. sa mga kapulisan sa Western Visayas.
Ini ang reaksyon sang gobernador sang ginpamangkot kun bala, pabor ini sa panawagan ni Interior Secretary Benjur Abalos sa mga colonels kag generals sa Philippine National Police nga magpasa sang courtesy resignation bilang tikang agud nga mapapas ang mga police nga naangot sa illegal drug trade.
Sa interview sang Bombo Radyo kay Governor Defensor, iya ginpahayag nga prerogative na sang Department of the Interior and Local Government ang amo nga tikang.
Apang suno sa iya, mas maayo kun reshuffling lamang ang himuon sa tion nga may yara sang bag-o nga administrasyon.
Sa bahin sang probinsya sang Iloilo, maayo ang kooperasyon sang kapulisan ilabi na sa kampanya batuk sa iligal nga droga.
Sa pagkamatuod suno sa gobernador, 98.373 percent na sa 1,721 ka mga barangay ang gindeklarar nga drug cleared.
Dugang pa niya, wala man sang problema kun sin-o ang i-assign nga opisyal sang pulis diri sa Iloilo.
