ILOILO CITY – Dako ang pagsalig ni Iloilo governor Arthur Defensor, Jr. sa pumuluyo sa probinsya sang Iloilo rason nga nagpagwa ini sang executive order nga nagapahayag nga optional na ang pagsuksuk sang face mask OUTDOORS.
Sa Executive Order No. 260-G, nakasaad man nga mandated ang pagsuksok sang face mask sa indoor private or public establishments, lakip na ang pampubliko nga salakyan magluwas lang kun:
- nagakaon ukon nagainum
- nagapasakop sa team and individual sports sa venues kun sa diin maintained ang ventilation standards
- kag sa kun naga-practice sang outdoor sports/exercise activities kun sa diin maintained ang physical distance
Nakabutang man sa Executive order nga napaidalom ang Iloilo Province sa Covid-19 Alert Level 1 tubtub sa Septyembre 15.
Sa interview sang Bombo Radyo kay Defensor, iya ginpahayag nga nahibaluan na sang mga Ilonggo nga kun immuno-compromised, dapat sa gihapon nga magdugang sang proteksyon.
Dugang pa niya, nagabase lang ang probinsya sa rekomendasyon sang Inter-Agency Task Force for the Management of Emerging Infectious Diseases kag mismo sa verbal approval ni Presidente Ferdinand “Bongbong” Marcos, Jr.
Sa subong, naganubo na ang kaso sang COVID-19 sa probinsya kag yara na sa 87.67 percent ang vaccination rate.
