ILOILO – Indi pabor si Iloilo Governor Arthur Defensor, Jr. nga i-suspend ang excise tax sa fuel products kag i-review ang de-regulation law sang pungsod agud nga ma-address ang nagalala nga epekto sang nagataas nga presyo sang gatong sa pungsod.
Nag-request si Presidente Rodrigo Duterte sa kongreso nga i-review ang de-regulation law kag madamo sang mga mamalidha kag mga opsiyal ang nagapahayag nga dapat i-suspend ang excise tax sa produktong petrolyo.
Sa interview sang Bombo Radyo kay Defensor, iya ginpahayag nga nag-agi sa maid-id nga pagtuon ang pagpasar sang oil de-regulaton law kag kabahin sang tinutuyo sini amo nga mapanubo ang presyo sang gatong.
May yara sang mga kondisyon ang nasambit nga layi kag nagakadapat nga balikan kun ara pa bala ang mga ini.
Samtang, ang pagpataw sang excise tax sa fuel products ang may yara man sang manami nga nadulot sa pungsod ilabi na sa mga social servcies sang mga ahensya.
Kaangay sang oil de-regulation law, dapat man nga balikan ang rason kun ngaa ginpatuman ini.
Nahibaluan nga si Defensor ang kabahin sang technical working group sang ginbalay ang pagpataw sang excise tax sa fuel products.
Pahayag pa sang gobernador, ang paghatag sang ayuda para sa mga apektado ang indi pa masarangan nga mahimo sang mga local government units gani, kinahanglan gid ang bulig sang national government.
