ILOILO – Nakigsapol si Iloilo Governor Arthur Defensor Jr. sa Iloilo Watershed Management Council.
Sa exclusive interview sang Bombo Radyo kay Defensor, iya ginpahayag nga katuyuan sang nasambit nga pagsinapol amo ang pagpatuman sang Water Resources Management Plan.
Suno kay Defensor ang nasambit nga plano ang iya gindraft sang nagaserbe pa ini bilang kongresista sa 3rd district sang Iloilo, apang wala ini mapasar sa kamara bangud sa kakulang sa panahon.
Ginpahayag sang gobernador nga sa bulig sang Iloilo Watershed Management Council, ini ginabug-usan sang Mines and Geosciences Bureau, department of the Environment and Natural Resources kag iban pa nga environment concerned agencies.
Luyag ni Defensor nga indi matabo ang mga landslide sa Iloilo sa diin isa sa mga rason ang ginapatigayon nga quarrying.
Ginaduso sang natungdan ang pagbutang sang mga Close Circuit Television (CCTV) cameras sa mga quarrying sites agud mamonitor ang hulag sang mga operators.
Nagpanugyan man si Defensor sa mga pumuluyo nga mag-aligmat sa posible nga matabo nga mga kalamidad.
