ILOILO – Pagapadayunon ni Iloilo Governor Arthur Defensor Jr. ang pagpaninlo tagsa ka sabado agud matapna ang pagtaas sang kaso sang dengue hemorrhagic fever.
Sa interview sang Bombo Radyo kay Governor Defensor, iya ginpahayag nga ang pag-umpisa niya sang clean up drive ang isa man ka pagbagting sang lingganay nga seryoso ang pagtaas sang kaso sang dengue sa probinsya.
Suno kay Defensor isa man ini ka pamaagi sang gobyerno nga ipahibalo sa mga pumuluyo nga yara sa pagpaninlo ang solusyon sa problema sa dengue.
Kuntani suno sa gobernador patigayunon ini adlaw-adlaw.
Samtang suno sa gobernador, nagnubo ang kaso sang dengue subong kun ipaanggid sa nakaligad nga semana.
Sa iya paglibot sa tagsa ka hospital suno kay Defensor iya man ginasekyar ang stocks sang bulong kun bala makaigo pa ini sa kinahanglanon sang mga pasyente.
Gin-athag man nga gobernador nga ang pagpabulong sang dengue ang libre kag dapat nga mahatagan sang Philhealth ang mga kubos nga wala pa sang insurance.
