ILOILO PROVINCE – Magapatigayon sang pagsinapol si Iloilo Governor Arthur Defensor Jr. sa Provincial Planning and Development Office (PPDO) may kaangtanan sa ginakahangaw-an sang pila ka mga drivers sang provincial jeepneys nga indi na sila makasulod sa syudad sang Iloilo.
Sa interview sang Bombo Radyo Iloilo kay Defensor, iya ginpahayag nga kinahanglan anay nga ma-finalize ang Local Public Transport Route Plan (LPTRP) para sa probinsya agud nga maplastar sang maayo ang transportation system.
In progress sa subong ang status transport route plan sang probinsya apang ginahimo na ini sang PPDO kag makig-istorya ang gobernador sa national government agud nga ma-finalize na ini.
Pahayag dugang sang gobernador, sa iban nga pungsod, kun highly-urbanized ang syudad, ang mga halin sa gwa nga transportasyon ang wala ginapasulod kag asta gid lamang sa mga borders.
Ang kinahanglan lang suno sa gobernador amo nga mapasanyog ang transport system halin sa border pasulod sa syudad.
